Dísa.....dísa skvísa.....

2012-02-05T07:50:00.001-10:00

2007-07-02T13:13:00.001-09:00

Allt er nú til

2007-05-26T12:55:00.000-09:00

2006-09-19T13:02:00.000-09:00

HVAÐ ER Í GANGI?!!

2006-09-08T12:40:00.000-09:00

Ég þjáist af krónískri ritstíflu.

Ekki gott,
sérstaklega ekki þegar maður er í háskólanámi í blaðamennsku.

2006-08-01T02:50:00.000-09:00

Vírd

2006-07-28T06:39:00.000-09:00

Ég er að horfa á Rockstar.
Og ég var að hugsa...........
ein ástæða fyrir því að gaurarnir þarna ættu að velja Magna er sú að margir þeirra eiga konur og krakka og hann á konu og krakka.
Flestir þeirra eru hættir í rugli.
Og mér skilst að Magni sé ekki í rugli.

Ætli hann vinni þetta.......
maður spyr sig.

2006-07-15T18:19:00.000-09:00

Plís,
horfið á þetta með hljóði.

2006-07-12T15:40:00.000-09:00

Fliss

2006-07-06T01:25:00.000-09:00

4.júlí 2006

Fjögur ár síðan DB var skírður.
Fimm ár síðan ég og Neil kysstumst fyrst.

Kvöldið fyrir þjóðhátíðardaginn mikla fórum við til vinafólks okkar Tims og Aliciu, með fullt af alls konar dóti, mat, svefnpoka, tjald, baðföt, og síðast en ekki síst risa kælikönnu fulla af epla Sangríu.

Brunuðum í bátnum upp á afskekkta strönd sem heitir Sandy Point, settum upp tjöld og varðeld og grilluðum pulsur og borgara. Hoppuðum og skoppuðum og sungum. Þegar flestir voru komnir í ból ákváðum við Alicia að skríða út í bátinn og leggja okkur þar. Hvílíkur nætursvefn. Ókei ég játa að hann var bara frá klukkan fjögur til klukkan sjö, en ég vaknaði endurnærð.

Svoldið heitt, svoldið úldin. Þá var tækifærið að demba sér ofan í kalt svalandi sjóvatnið. Synda svoldið. Synda til lands (eða meira svona vaða) og fá sér smá kaffi og egg. Liggja svo í sólinni allan daginn og njóta lífsins.

En ég verð að minnast á það, að Ameríkanarnir hérna sem ég hékk með hafa nú ekkert djammúthald á við frjónverjana. Allir voru farnir í bælið um þrjúleytið, allir úldnir daginn eftir og enginn fékk sér svo mikið sem einn afréttara!
Eru ekki venjulega íslenskar útilegur þannig að fólk marinerar sig að innan sem utan allan daginn í fínum vínlegi og ef það er þreytt og úldið þá er einn bjór eða smá rauðvín ráðið við því? Eða hef ég verið með einhverju spes fólki þegar ég fer í útilegu og/eða sumarbústað.....?

Endilega tjáið ykkur vinir.

2006-07-06T01:02:00.000-09:00

Vá,
eruði öll að verða vatnssósa þarna á Íslandi?
Það er líka búið að rigna slatta hér. Með góðum dögum inn á milli.

En allaveganna...........
vitiði hvað mér finst dúllulegt?
Gamlir menn sem fara í laugarnar á hverjum degi.

2006-07-03T03:14:00.000-09:00

DB og HR fengu mörg hrós þennan dag sem flest hljómuðu svona "gorgeous children, just gorgeous". Þegar ég sé núna myndirnar sem ég tók af þeim get ég vel skilið af hverju. Stundum er maður svo vanur að sjá þessi krútt oft að maður gleymir hvað þau eru falleg.

2006-07-03T01:25:00.000-09:00

Það er svo gaman að fylgjast með Daníel Bjarna verða stærri, klárari og fyndnari með hverjum deginum (ókei og alltaf líkari og líkari pabba sínum). Stundum segir hann eitthvað við mig og ég hugsa "Hei vá, þetta barn er með húmor, bara fjögurra ára!" Og stundum segir hann eitthvað við mig og ég hugsa "Jiiii, hann kann að rökræða."
Allaveganna,
í gærkvöldi áttum við samræður sem voru svona:

Ég: "Daníel, ég ætla að fara að bursta tennur núna svo ég fái ekki Karíus og Baktus."
Daníel: "How many are there of Karíus og Baktus, is there just two of them?"
Ég: (skyldi ekki alveg hvert hann var að fara með þetta) "Jaaá, ég held það, af hverju spyrðu?"
Daníel: "Because I think they are in your teeth now."

Ég var fljót að byrja að skálda smá til að sá stutti næði ekki að halda því fram að það væru bara tveir Karíus og Baktus, sem væru í mínum munni þá stundina svo að hann þyrfti ekki að bursta. Ég sagði honum að það væri alveg fullt af svona tannpínupúkum að hann fengi skemmdir ef hann drifi sig ekki í því að bursta.

2006-07-01T01:18:00.000-09:00

Ég sé að ég er ekki sú eina sem bloggar minna á sumrin en á veturna. Margir af mínum daglegu höfundum (það er að segja, ég er þeirra daglegi lesandi, það er að segja, þau blogga og ég les) eru komnir í einhvers konar sumardvala, lítur út fyrir. Þó eru sumir sem virðast vera öfugir við mig og eru mun duglegri að blogga á sumrin en á veturna.

Nema hvað,

það er búið að vera rosalega gaman að hafa fjölskylduna í heimsókn, við erum búin að gera mikið og njóta þess að vera saman. Það tekur samt svoldið á að vera gestgjafi og í gærkvöldi var ég alveg að leka niður um átta leytið.

Hinsvegar er ég farin að hlakka rosalega mikið til þess að koma um miðjan ágúst og ætla að reyna að ná að stilla því þannig að ég geti verið svoldið lengi á landinu í þetta skipti. Lok ágúst er æðislegur tími til að fara heim. Þá er orðið næstum óbærilega heitt og rakt hér, svitinn lekur af manni sama hvað maður er að gera (nema maður sé inni í vel loftkældri búð eða skriftofu) og manni lalngar mest til að henda sér ofan í næstu sundlaug eða sjó. En akkúrat á þeim tíma leggja marglyttur undir sig sjóinn á ströndinni sem ég er vön að fara á þannig að maður verður að passa sig á að láta þær ekki stinga sig.

Allaveganna,
ég er heppin að geta alltaf kælt mig niður á skemmmtilegustu köldu eyjunni í Norðurhafinu og þá tala ég nú ekki um allt skemmmtilega partýglaða fólkið þar sem er skemmtilegt að hitta.

Hlakka til að hitta ykkur öll með tölu.

2006-06-28T06:13:00.000-09:00

Djöfull er ég ánægð með eitt sem er á gangi á Íslandi í dag.
Það eru nýju lögin og réttindin sem ná yfir samkynhneigða.

Hérna í landinu sem ég bý eru ekki margir sem sýna samkynhneigðum pörum eða fólki þann skilning og umburðarlyndi sem þau eiga skilið. Þau eru ennþá föst í því að fá ekki réttindi til fulls á við gagnkynhneigt fólk þegar kemur að því að stofna fjölskyldu og fleira.

Mér finnst sorglegt að hugsa til þess að það séu fáar sem engar leiðir til þess að eignast börn fyrir konur og menn sem hafa langanir eins og annað fólk til þess að ala upp börn og eiga fjöslkyldu bara af því að það er þeirra hlutskipti í lífinu að laðast að fólki af sama kyni en ekki hinu kyninu.

Ég fékk tár í augun þegar ég sá lesbíupar í kastljósi segja frá því að þær hygðust núna nýta sér nýju löggjöfina í að reyna að eignast eitt eða fleiri börn vegna þess að þær eins og margar aðrar konur langar til þess að eignast börn og verða mæður.

Ef ég hefði aldrei eignast barn væri ég allt öðru vísi manneskja heldur en ég er í dag. Ég hugsaði öðruvísi um allt og alla. Án þess að plana það þá eignaðist ég barn og allt lífði mitt breyttist.

Það jafnast ekkert sem ég hef nokkurn tímann prófað á við tilfinninguna að eiga barn. Þess vegna finnst mér að allt fólk sem þráir að upplifa þessa tilfinningu og bjóða lítilli manneskju inn í sitt líf til að breyta því að eilífu, eigi að hafa réttindi á því að taka þessa ákvörðun.

Til hamingju með daginn samkynhneigðir Íslendingar.

2006-06-25T17:09:00.000-09:00

Krakkar geta verið svo fyndnir í framan stundum.

2006-06-25T04:18:00.000-09:00

Ég var að reyna að taka eitthvað upp um daginn og þetta kom upp úr krafsinu, er þetta ekki svoldið eins og svona spennu atriði í hryllingsmynd?

Í öðrum fréttum, ég er hætt á japanska staðnum og hefst nú handa við að njóta samvista við mína yndislegu fjölskyldu, og leita mér að annarri vinnu. Ég segi ykkur söguna um af hverju ég hætti seinna.

Það er gaman að vera búin að fá pabba og co. hingað og ég vona að veðrið fari að skána sem fyrst. Það er búið að vera rigningarveður og mollulegt síðan þau komu en þau fá nóg af því á Íslandi (að mér skilst) svo ég bið til veðurguða núna um smá sól og sumaryl

2006-06-15T06:57:00.000-09:00

Oj mar,
tolvan min er greinilega eitthvad pirrud ut i mig og leyfir mer ekki ad skipta yfir i islenska takka,
eg gaeti thrjoskast afram og eyt tima i thetta helviti en i stadinn fyrir ad gera thad aetla jeg ad skella mer ut ad versla.

En thad sem jeg var ad fara ad blogga um mun jeg nuna segja i stykkordum,
jeg sakna vina minna a Islandi,
thad gengur haegar en andskotinn ad eignast vinkonur herna,
nennir eitt ykkar ad flytja ut til min?

Kyss og knus

sakna og meira sakn

2006-06-14T01:43:00.000-09:00

Af hverju segir maður í Borgarnesi og á Akranesi?

2006-06-12T04:13:00.000-09:00

Mér líður stundum eins og lífið mitt sé kvikmynd þessa dagana.

Eins og þegar yfirmaðurinn minn á Fuji dregur fram karókí tækið og byrjar að syngja Piano Man. Við skulum bara segja að hann hljómar mjög mjög svipað William Hung.

Og svo líka í gærkvöldi.

Málið er að eldhúsfólkið sest yfirleitt niður og borðar í lok vaktar á kvöldin en þjónustuliðið borðar aldrei með þeim. Þau eru yfirleitt ekki að borða sushi eða neitt fínt heldur bara eitthvað úr skálum með hrísgrjónum. Yfirleitt borða þau í þögn eða spjalla saman á sínu máli, kóresku (.........?........., æi þau eru frá Kóreu flest). Nema hvað, um þetta leyti kvölds er ég yfirleitt að ganga frá barnum svo ég geri ekkert meira en að gjóta til þeirra forvitnisaugum og spá í hverju þau séu að gæða sér á.

Í gærkvöldi höfðu þau það aðeins fínna og störtuðu hibachi (hibachi borð er borð sem fólk situr í kringum heita pönnu en það er borð í kringum pönnuna sem fólkið situr við og borðar, svo stendur kokkur við pönnuna og skellir á hana olíu, grænmeti, hrísgrjónum (fried rice) núðlum, rækjum og fleira, svo skellir kokkurinn matnum á diskana hjá fólkinu sem situr í kringum borðið, á meðan hann grínast og gerir kokka-kúnstir, bæði gaman og gott).

Nema hvað, í gærkvöldi var hibachi fjör hjá eldhúsliðinu, þau komu til mín og fengu hrísgrjónavín og níu glös og settust svo niður og bjuggust til að borða. Ég taldi bjóra og vínflöskur, þvoði glös og gekk frá barnum. Þjónustupíurnar voru farnar heim. Allt í einu kalla þau í mig "Dísa, Dísa come over here!" svo ég labbaði, fékk lítið glasi af hrísgrjónavíni (sake) og fékk mér sæti við enda borðsins, næst kokknum. Svo byrjaði hann að elda, tala og grínast. En allt á þeirra máli.

Svo ég sat og borðaði og fylgdist með og reyndi að giska á hvað þau voru að segja. Af og til gjóaði ég augunum til mexíkanska sushi kokksins og brasilísku stelpunnar sem er uppvaskari og velti því fyrir mér hvort að þau skyldu meira en ég.

Góð máltíð samt.
Fyrir þá sem eru ekki alveg að fatta allt þetta hibachi og allt það þá bendi ég á þessa síðu.

2006-06-09T01:09:00.000-09:00

Nú er tímabil í lífi minnar fjölskylu að ljúka, en það er barnalands tímabilið.
Á morgun eða einhvern tímann bráðum mun síðan hans DB loka og ekki verða opnuð aftur. Við bendum áhugasömum að kíkja frekar á www.danielbjarni.blogspot.com.

Bið að heilsa ykkur í bili.

2006-06-05T01:34:00.000-09:00

Jæja krakkar,
ég hætti í vinnunni á golfklúbbnum til að halda áfram að elta drauminn minn um að verða barþjónn. Það kom nefnilega í ljós í golfklúbbnum vildu þeir bara hafa mig sem venjulegan þjón og ekkert barstúss í boði svo ég sagði "hei ég ætla að leita að einhverju aðeins betra" og hætti.

Og núna er ég komin með barþjónagigg á stórum japönskum veitingastað sem einnig gerir habachi, sem ég reyndi að útskýra hér þegar ég fór út að borða á 25 ára afmælinu mínu.

Þetta er kúl, þeir eru með langan lista af kokteilum og martíníum, svo þetta verður mjög fín reynsla fyrir barþjóninn/blaðamanninn/rithöfundinn.........æi vottever, mjög góð reynsla fyrir mig.

Nema hvað þetta er ansi erfitt, ekki mikið um pásur og maður er standandi í sirka níu tíma samfleytt án þess að setjast varla svo mikið sem einu sinni, ég ýki ekki hér.

En nóg um það.
Þann litla frítíma sem ég hef haft þessa helgi hef ég notað meðal annars í þetta við erum að spá í að kveðja barnaland og nota þetta í staðinn fyrir DBB.

Jæja ég bið að heilsa ykkur í bili og hlakka mikið til þegar ég kem og sé ykkur öll í persónu í lok ágúst.

2006-05-31T05:06:00.000-09:00

Sumarið er komið........
og ég fyllist löngunar til að eyða tíma úti í sólinni.
Eða að leita mér að nýrri vinnu.

Svo að........
það verður ekki mikið bloggað á næstunni.

Einnig geri ég mér grein fyrir því að síða DB er í lamasessi.
Ég vinn í þessu næst þegar það verður rigning.

Lífið kallar.

2006-05-26T16:47:00.000-09:00

2006-05-26T16:38:00.000-09:00

Deyðu vír
deyðu vír
deyðu vír

ójááááá

ég hata þig!!!!

Þetta er lag sem ég samdi um vír einn.
Vír þessi var settur í minn munn dag þann sem ég losnaði við teinana sem ég var með þegar ég var tólf og þrettán.

Í dag vinnur þessi vír í því að gera mér lífið leitt því að allt, allt sem ég borða, festist í honum. Djöfull þoli ég hann ekki.

2006-05-25T05:14:00.000-09:00

Ég lá upp í rúmi í gærkvöldi með Daníel og var að lesa Einar Áskel. Þegar sagan var búin sagði Daníel: "I wanna be like him, but not with short hair like him. Just like him in the end, and the middle and the beginning."

Eftir smá umræður kom í ljós að Daníel vildi smíða þyrlu eins og Einar Áskell gerði í bókinni. Svo við ætlum kannski að gera það í sumar.

Ég nenni ekki alveg að tala um nýju vinnuna af því að það kom í ljós að launin og vinnutíminn eru verri en ég hefði á kosið svo ég er að íhuga málin. En fólkið er næs, staðsetning golfklúbbsins er einn flottasti staður sem ég hef komið á og maturinn..........NAMM!!!

En ég er eitthvað að spöklera málin svo ef einhver vinur eða kunningi vill slá á þráðinn, vírd síminn er að hringja. Ó, þetta var bara sölumaður.

Jæja,
allaveganna.
Ég er farin í bili.
Ciao.

2006-05-19T05:28:00.000-09:00

Hvaða fallegi skemmtilegi leynivinur (eða vinkona, sem er líklegra) skilur eftir svona fallegann rósarunna í blómapotti fyrir utan íbúðarhurðina okkar hjóna daginn eftir þriggja ára brúðkaupsafmælið okkar?

Þessar þrjár koma helst til greina: Alicia, Marlísa og Heather.

Því að bæði foreldrar Neil og amma hans og afi gáfu okkur gjöf í tilefni áranna þriggja. Við fengum gjaftakort á tvo veitingastaði, annars vegar Go Fish (sushi staður í Mystic) og Applebees (nýr staður í Westerly, hluti af keðju, uppáhald ellilífeirisþega.)

Við fórum á go fish í gærkvöldi og áttum góða stund, kalt hvítvín fyrir mig, bjór fyrir ektamanninn. Miso súpa, edamame baunir, vel útpældir sushi bitar og svo krem brúlei, lattei og godæva súkkulaðilíkjör í eftirrétt.

Gott kvöld.

Neil þurfti að rjúka út eldsnemma í morgun í skólann og datt næstum um rósarruna sem sat fyrir utan íbúðardyrnar. Ég hlakka til að komast að því hvaða góða leynivinkona þetta hefur verið, sem kaus að hafa smá leynd, því að það var ekkert kort með.

2006-05-15T04:57:00.000-09:00

Testing 1,2,3

2006-05-15T03:56:00.000-09:00

Eftirtalið fólk fer í taugarnar á mér:

Þegar tvær akgreinar sameinast í eina vegna þess að það er verið að gera við aðra þeirra kannski, segjum til dæmis að það séu einhverjar framkvæmdir í gangi og hægri akgrein sé lokið. Sumir reyna að komast yfir um leið og þeir sjá að þeirra akgrein er lokuð og aka þannig hægfara í eina akgreininni sem er opin, vinstri.
Aðrir sjá að þeirra akgrein er að fara að lokast en sjá að þeir geta spíttað fram úr öllum vinstra megin vegna þess að hægri akgreinin er svo gott sem auð. Svo þeir bruna fram úr öllum vinstra megin og ýtast svo inn í fremst á frekjunni einni saman.
Ég þoli ekki það fólk.

Einnig fara sum börn mikið í taugarnar á mér.
Það eru börnin sem fara í herbergi þar sem eru klifurveggir.
Einn veggur er merktur fyrir 5-7 ára börn, annar er merktur fyrir 3-5 ára.
Ég þoli ekki krakka sem er sex ára og fer á veginn sem er fyrir 3-5 ára krakka og valtrar yfir yngri krakkanna til að sýnast ofurklár hetja.

Maður spyr sig.
Verða þessir krakkar á klifurveggjunum seinna svona fólk sem kann ekki að haga sér þar sem tvær akgreinar renna saman í eina?

Bara vangavelta......

2006-05-11T02:47:00.000-09:00

Voðalega er mín glöð að vera búin í prófum.
Kom heim og lagði mig ógisslega lengi,
þegar ég vaknaði ákváðum við Neil að fá okkur smá KFC ásamt DB.

Þegar sá stutti (sem er alltaf að lengjast) var sofnaður fengum við Neil okkur kokteil og horfðum á Lost.

Talandi um Lost þá vil ég benda góðu fólki á þá góðu staðreynd að það er hægt að horfa á splunkunýja Lost þætti og fleira áabc.com.

Nú ætla ég að njóta þess að vera komin í tíu daga frí (þangað til nýja vinnan byrja) og einnig að fara upp til Boston á sunnudaginn að hitta mömmu mína. Fyndið næsti Sunnudagur er mother´s day hérna, sem ameríkanar gera risa risa mál útaf og ég verð í Boston með mömmu minni, tengdamömmu og afkvæmi okkar allra.

Það verður vonandi skemmtilegur dagur.
Svo erum við Neil byrjuð að plana allt skemmtilegt sem við ætlum að gera þegar pa, Só og Ha koma í heimsókn.

Jæja,
tími fyrir morgunumat.

2006-05-10T04:37:00.000-09:00

Ég er að fara í próf í dag,
búin að vera að gera ekkert nema að læra,
svo ég hef ekkert að segja,
hér er linkur á grín að frægu fólki,
það er alltaf hressandi.

2006-05-08T12:33:00.000-09:00

She packed my bags last night pre-flight
Zero hour nine a.m.
And I'm gonna be high as a kite by then
I miss the earth so much I miss my wife
It's lonely out in space
On such a timeless flight

And I think it's gonna be a long long time
Till touch down brings me round again to find
I'm not the man they think I am at home
Oh no no no I'm a rocket man
Rocket man burning out his fuse up here alone

Mars ain't the kind of place to raise your kids
In fact it's cold as hell
And there's no one there to raise them if you did
And all this science I don't understand
It's just my job five days a week
A rocket man, a rocket man

And I think it's gonna be a long long time...

Tilfinning í þessu lagi er eins og tilfinningar mínar þá daga sem ég sakna ykkar allra á Íslandi sem allra mest.

2006-05-07T04:33:00.000-09:00

Klessa lollípopp er orðinn fjögra ára.
Í gærmorgunn þegar við vöknuðum spurðum við hann hvernig það væri að vera orðinn fjögurra ára og hann sagði "I´m not four yet, I haven´t had my birthday" svona hélt þetta áfram út allann daginn og meira að segja í veislunni sjálfri, þá sagði hann ennþá "I´m still just three and a half, I still haven´t had my birthday cake."

Svo loksins þegar við vorum búin að borða ís-risaeðlu-tertu, spurðum við Daníel "Ertu orðinn fjögurra ára?" og hann sagði "yeah, I´m four now."

En dagurinn var nokkuð góður,
veðrið var gott allan daginn og veislan var mjög vel heppnuð,
nokkrir góðir vinir í góðum garði í góðu veðri að leika með vatnsbyssur og bolta, grilla, drekka bjór, leika og hafa það gott.

Daníel fékk góðar gjafir, margar sumarlegar og góðar eins og flugdreka, hlaupahjól, krítar, stóra vatnsbyssu og sápukúlur. Ég hlakka til að sjá litla andlitið hans verða sólbrúnt í sumar, eins og það er á myndinni hér að ofan sem Dagur snillingur tók í ágúst á síðasta ári.

Ég vil enda á því að óska Emmu, Henning og Sölku til hamingju með nýjustu viðbótina í þeirra sætu fjölskyldu en þeim fæddist stúlka í gærmorgun, og ef hún líkist öðrum sem eiga þennan fína afmælisdag verður hún ábyggilega frábær persónuleiki.

Skál fyrir börnum!!!
megi þau lengi lifa og eiga falleg líf!

2006-05-05T06:22:00.000-09:00

Ef einhvert ykkar kæmi til mín í dag og segði "Dísa, mig langar í geisladisk, hverju mæliru með?" þá myndi þessi þarna uppi, Blue Lines, með Massive Attack vera einn af þeim fyrstu sem kæmi upp í hugann.

Síðan gæti ég komið með romsu af öðrum geiladiskum sem ég fíla í tætlur og hef hlustað á niðrí ræmur.

En nú er staðan svoleiðs að ég spyr ykkur,
mína kæru vini og ættingja,
hvaða disk mæliði með að ég bæti við í safnið mitt?

Ég veit að sum ykkar hafið nefnt hin og þessi nöfn við mig,
en það gerist svo oft að ég fer að hugsa um eitthvað annað og man svo ekki hvað mér var sagt, af því að höfuðið á mér er fullt af ómerkilegum smáatriðum úr eigin- og annarra lífum, sem ég man alltaf eins og þau hefðu gerst í gær.

Nema hvað,
ef hver einasti sem les þessa færslu gæti gert eftirfarandi:
komið með nafn á disk,
og nafnið á þeim sem flytur,

þá yrði ég þakklát.

Ég læt ykkur svo vita hvað ég ákveð að splæsa í og hvernig það fílast.

Bjarnadóttir out!
(þetta hljómar ekki eins og þegar Seacrest segir þetta í Am.Idol)

2006-05-03T09:06:00.000-09:00

Jóhanna Ýr hefur gefið mér smá ástæðu í smá lærdómspásu:

1. Which book has made the greatest impact on you? Either as a good read or as a "aha" experience?

Hmmmm........
Næturbókin (Mauri Kunnas, ég lá upp í rúminu hennar mömmu og var að skoða myndirnar en svo fattaði ég að ég kynni alla stafina og ég prófaði að lesa, og ég fattaði að ég kynni að lesa alveg sjálf, og ég man hvað mér fannst það mergjuð tilfinning)
Tóbías og Tinna (mig mininr að hún heiti það, ég man að ég sat heima hjá ömmu við gluggan á háaleitisbraut og ég var að lesa þessa bók og það var eitthvað rosa sorlegt sem gerðist og ég táraðist. Amma skyldi ekkert í mér að grenja yfir skáldsögu en mamma sagði að það væri allt í lagi.)
Stelpnafræðarinn (þar lærði ég margt um lífið og tilveruna í góðra vina hópi)
Tár, bros og takkaskór (Þ. Þráins, klassísk í meira lagi)
Sjálfstætt Fólk (HKL, las hana fyrir skólann, hef alltaf munað eftir henni síðan þá)
Njála (mér var kennd hún svo rosalega fallega í kvennó)
Heimsins heimskasti pabbi (Mikael Torfa, marg sem ég fattaði þegar ég las þá bók, um fólk og sjálfa mig og alls konar hluti, samt var bókin sjálf ekkert spes)
Ég heiti Ísbjörg ég er ljón (Vigdís Gríms)Salka Valka (HKL, las hana eftir að ég flutti hingað, dýrkaði hana)
The Art of Travel (man ekki hver skrifaði hana, las hana seinasta sumar á bekk fyrir aftan matvörubúð, sem ég var að vinna í, meðan ég var í hádegispásu, át samloku og drakk vanillugos og lét mig dreyma um ferðalög)
The lovely Bones (ahhhhh.......man ekki hver skrifaði hana, en ég mun ekki gleyma henni í bráð)
The good earth (Pearl Buck, djöfull leið mér vel með eigið líf þegar ég las þessa)
Dís (fullt af fólki skrifaði hana, þá fattaði ég, hei vá djöfull hlýtur að vera auðvelt að skrifa bók sem verður svo breytt í kvikmynd)
Hella (hugsaði, "hei, fyrst Hallgrímur Helgason skrifaði bók sem var svona, og skrifaði svo aðra betri og svo aðra betri..........þá ætti ég kannski að prófa)

og margar fleiri.........

2. Which genre do you read most? Novels, crime-stories, biographies, poetry or something else?
Auðvelt. Skáldsögur, í hvaða formi sem þær koma.

3. What was the last book you read?

Hmmmm.........
ef ég tel með barnabækur sem ég les fyrir Daníel. Þá var það Doctor Dan, the medicine man. Ég les vanalega ekki bækur á ensku fyrir hann, en ég gaf honum þessa, hún er um strák sem setur plástur á dúkku, systur sína, pabba sinn.........og eitthvað svoleiðs.

Ef ég tel ekki með bækur sem ég les fyrir Daníel þá var seinasta bók sem ég las. In Coold Blood, eftir Truman Capote. Ég er búin að fræða ykkur sem lesið reglulega svo mikið um það sem ég las í þeirri bók og hversu heltekin ég varð, að ég ætla ekki að segja neitt meira um hana, annað en: allir sem hafa ekki lesið hana ættu að gera það.

4. Which sex are you?

Hér væri tilvalið að koma með einhvern brandara, en ég nenni því ekki svo ég segi kvenkyns.

2006-05-01T04:11:00.000-09:00

Einu sinni var pabbi að vinna með manni sem margir töldur samkynhneigðan vera.
Við skulum kalla þann mann tjah......Tryggva.
Pabbi og Tryggvi voru mikið á fartinni vinnunnar vegna og þeyttust á milli hótela úti á landi að gera hvað sem þeir voru að gera fyrir vinnuna.
Tryggvi fór á fyllerí eitt kvöldið og fór að grenja og væla utan í pabba hvað það væri óþægilegt að allir héldu að hann væri hommi.
Pabbi léði öxl til að gráta á. (vona ég)

Svo fóru þeir á annað hótel og hittu þar ansi hressan kokk sem bauð þeim að kíkja með sér í heita pott eftir vakt eitt kvöldið. Mikið stuð var í pottinum og ég vænti þess að áfengi hafi verið haft um hendur. Faðir minn drullaði sér í rúmið einhvern tímann en Tryggvi hélt áfram að djamma með kokkinum hressa.

Næsta morgun var Tryggvi fúll, þreyttur og timbraður og pabba grunaði margt en lét þó ekkert uppi.

Tryggvi er í dag kominn út úr skápnum og er asskoti hress með það, gott ef hann er ekki bara að fara að giftast manni í sumar.

Skál fyrir Tryggva og giftingum samkynhneigðra!
Hjónabönd fyrir alla konur og kalla!

(p.s. þetta er búið að vera heitt umræðuefni hérna í landi biblíu berjandi bush elskandi afturhalds fordóma.........Ísland er kúl, þegar kemur að svona málum)

2006-04-29T12:28:00.000-09:00

Daníel hefur mikinn áhuga á brandörum þessa dagana en nær sjaldan að leggja alvöru brandara á minnið svo hann hefur verið að skálda svoldið.
Hann hefur sérstaklega verið að spá mikið í brandörum sem eru algengir hér um slóðir og kallast "knock knock" brandarar.
Þessi er í uppáhaldi og hefur verið mikið notaður:

DB: "Knock knock."
ég: 'Who´s there?'
DB: "Banana."
ég: 'banana who?'
DB: "banana Daniel."

Svo í dag kom nýr brandari:

DB: "what do you call it when you mix poop and pee?"
'What?'
"Diarrhea!"

Snillingur þessi drengur.

2006-04-29T03:14:00.000-09:00

Fyndið með krakka og föt,
maður þarf endalaust að vera að endurnýja fötin þeirra af því að þau stækka. Góð ending á flík myndi ég segja að væra kannski svona ár.
En það eru ein náttföt sem Daníel á sem eru mér ráðgáta.
Hann fékk þau í jólagjöf þegar hann var eins og hálfs árs!
Núna er hann að verða fjögra ára og gengur ennþá í þeim.
Ég meina þau eru náttúrulega orðin svoldið stutt,
en þjóna ennþá sínum tilgangi.
Furðulegt, furðulegt.

2006-04-27T12:22:00.000-09:00

Fokk!Ég þoli ekki fólk sem hlær hátt og mellulega á bókasöfnum akkúrat þann dag sem ég gleymdi eyrnatöppunum mínum heima.

Þetta hefur valdið því að ég er byrjuð að reykja aftur daglega.
Sorrí mamma og pabbi.
Ég varð að koma út úr skápnum með þetta.

2006-04-27T02:10:00.000-09:00

Vinkona mín var að segja mér frá því þegar hún bjó á Liberty Street og herra og frú R bjuggu við hliðina á henni.
Einn daginn var herra R að vinna í garðinum sínum og hann fann eldgamla flösku. Það er ekki óalgengt að finna eitthvað gamalt hér um slóðir því að fólk hefur búið hérna lengi og í gamla daga gerði gróf fólk rusl í staðinn fyrir að fara á ruslahauga með það, (kannski af því að ruslahaugar voru ekki til?)

Nema hvað, herra R var að gera eitthvað í garðinum og rakst á gamla flösku. Hún var útskorin og á henni stóð POISON og svo var mynd af haupskúpu með exi yfir til að sýna að hér væri um alvöru eitur að ræða.

Frú R leist vel á flöskuna, fannst hún flott og spes svo að hún ákvað að eiga hana og nota hana. Hún setti stundum blóm í hana og notaði hana sem vasa, eða bjó til kool aid og setti í flöskuna. Flaskan var bara hluti af búinu.

Tveimur árum seinna var hún komin með leið á flöskunni svo hún ákvað að setja hana í endurvinnslu. Endurvinnsla hérna virkar þannig að maður setur allt sem maður vill endurvinna í bláan opinn bala, og setur það við götuna með ruslinu, sem maður vill að ruslakallarnir taki.

Flaskan lá í bláa balanum en einhvern veginn datt hún út og rúllaði yfir götuna.

Seinna um daginn varð frú R litið út um gluggann einhverra hluta vegna. Það var mikið um umferð á götunni sem hún bjó við, gatan var jafnvel nokkuð svipuð Hringbrautinni heima, nema öðruvísi.

Nema hvað henni verður litið út og það er eitthvað í gangi út á götu. Öll umferð hefur verið stöðvuð og það eru margir bílar sem á stendur: BIOHAZARD (þýðing óskast). Hún sér menn sem eru í appelsínugulum búningum, svona eins og geimbúningum, með hjálma haldandi á töng, að nálgast eitthvað ofur varlega. Þeir lyfta einhverju með tönginni og hún sér hverju þeir eru að lyfta: flöskunni sem hún hafði seinustu tvö ár notað undir kool aid og blóm til skiptis.

Hún ákvað að vera ekkert að hlaupa út á götu til þess að segja mönnunum í gulu búningunum hvaðan flaskan hefði komið.

2006-04-26T13:06:00.000-09:00

Ég var að fá atvinnutilboð.
Sem allt-mögulegt-manneskja í golf-strandklúbb ríka fólksins í Watch Hill. Þetta er ótrúlega flottur klúbbur á flottum stað og ekki hver sem er kemst inn í hann, aðallega fólk sem er búið að vera í sömu ríku fjölskyldunni í mörg mörg ár og kemur og eyðir sumrunum sínum í mjög svo ríkulegum híbýlum við ströndina.

Þetta lítur ágætlega út, en ég er að spyrja sjálfa mig hvort að ég eigi að mæta í atvinnuviðtöl á öðrum stöðum og halda áfram að skoða hvað er í boði eða hvort ég á að prísa mig sæla með að geta verið skoppandi um á við ströndina í allt sumar með annað hvort matardiska eða vínglös (fyrir aðra) í hönd og frosið bros.

Hvað finnst ykkur vinir og vandamenn?

2006-04-25T13:52:00.000-09:00

Ég hef verið undir gríðarmiklu álagi í skólanum undanfarna daga og fékk í ofánalag að vita að vinnan sem ég ætlaði að hafa sem vara-sumarvinnu, er fullbókuð svo ég get ekki stólað á að hafa hana vara.
Svo að ég var útkeyrð í dag og ákvað að taka mér andlegan-veikindadag til að hlaða batteríin. Ég fór í jóga og fór svo með vinkonu minni á ströndina þar sem við borðuðum samlokur og karamellur og láum í sólinni, á milli þess sem við stungum tánum ofan í.
Þegar ég kem heim pínku sólbrennd og úti-þreytt í staðinn fyrir bókasafns-þreytt hugsa ég um westerly, "hvernig get ég nokkurn tímann farið frá þessu?"

2006-04-21T14:10:00.000-09:00

Ég þoli ekki þegar fólk......
-andar hátt
-andar með nefi sem blístrar
-smjattar á tyggjói (mömmu að kenna)
-setur fótinn á sætið fyrir framan sig, ef ég sit í þeirri sætaröð (þegar ég sit í bíóskal, t.d. í skólanum)
-ekur hægt í vinstri akgrein
-svínar fyrir mig en ekur svo á 20km hraða, ef það var að drífa sig svona mikið að það hætti mínu lífi og sínu með því að svína, þá ætti það að þora að aka hraðar
-tyggur klaka eða frostpinna, eini gallinn við kokteildrykkju minnar og Neil, það hrellir mig þegar hann tyggur klakana
-talar vibba hátt í gemsa á annars þöglu bókasafni

og margt, margt annað

kannski þoli ég yfirhöfuð bara ekki fólk

ja maður spyr sig

2006-04-19T07:12:00.000-09:00

Síðan ég fékk barþjónaskírteinið í hendurnar hef ég verið að dunda mér við að koma mér upp heimabar. Það byrjaði á því að Neil ruddi til plássi svo ég hefði hillu í eldhúsinu nokkurn veginn bara undir bardótið og svo byrjaði ég að safna.

Það er nú ekki komið mikið ennþá, en ég stefni á að eiga ekki bara áfengið sem þarf í helstu drykki heldur blandið líka, svo ég hef verið að grípa hitt og þetta þegar ég versla til heimilisins, eins og litla kippu af kókdósum og nokkkrar litlar flöskur af hinum og þessum söfum. Einnig hef ég verið að prófa mig áfram í kokteil-listum, með kokteilhristaranum sem ég á og nota ég þá gjarnan eiginmanninn og sjálfa mig sem tilraunadýr.

Þessir hafi komið vel út:

Cube Libre
Glært romm
kóka kóla
límónudjús (ekki úr ógeðisplastlímónu, heldur svona eins og maður kaupir í vínbúð, nema þið sem verslið í átvr, kaupið í Hagkaup eða 10 11, úr flösku alltént, ekki úr plastlímónu)
klakar

ekki hrista drykkinn og reynið að hafa gott hlutfall af öllu, eins og únsa til tvær af rommi, kók eftir smekk og dass af límónudjús (dass er einn fjórði úr únsu)

Bay Breeze
únsa til tvær af vodka
fyllt upp með trönuberja (cranberry) og ananas-safa
hrist eða hrært með klökum

2006-04-18T11:33:00.000-09:00

Vitiði hvað mér finnst svo sniðugt að ég ræð mér ekki fyrir kæti?
Netflix.
Vídjóleiga á netinu.

Það virkar þannig að maður greiðir mánaðargjald fyrir þessa þjónustu og velur sér prógram, akkúrat núna er ég að skipta úr prógramminu tvær myndir í einu, í mesta lagi fjórar á mánuði yfir í þrjár myndir í einu ótakmarkað á mánuði.

Maður fær notendanafn og leyniorð á síðunni og býr til röð af myndum sem mann langar að sjá, myndina sem maður vill fá næst hefur maður í efsta sæti, o.s.frv. Myndirnar koma senda í pósti og þegar þú ert búinn að horfa á þær seturu þær aftur í umslagið og í póst, (þarft ekki að setja frímerki, þeir sjá um það).

Maður þarf aldrei að borga sekt eða skila myndinni fyrir einhvern ákveðinn tíma, ef ég vil hafa mynd í tvær vikur þá bara geri ég það. En um leið og ég er búin að horfa á myndina og setja hana í póst, fæ ég senda aðra í staðinn.

SVo þegar ég er búin að horfa á myndina og skila henni skrái ég mig inn á síðuna og ef myndinni einkunn, til dæmis núna, ef ég gef Brokeback mountain geðveikt góða einkunn, þá koma upp uppástungur. Þeir sem fíla brokeback mountain fíla einnig, þetta þetta og þetta.

Ég er búin að gefa fullt af myndum einkunn svo að þeir eru með fullt af uppástungum fyrir mig. Einnig getur maður leitað að mynd eftir flokkun, það eru allir augljósu fokkarnir, grín, hasar, teiknimyndir, en svo eru líka flokkar sem eru verðlaunamyndir og þar getur maður séð öll helstu verðlaunin eins og óskarinn og BAFTA og hvaða mynd fékk verðlaun fyrir hvað, hvaða ár.

Og úrvarlið er hreint ekki slæmt. Til dæmis er ágætt úrval af íslenskum myndum.

Nú svo um daginn fékk ég rispaðan disk, þá fór ég á netið og tilkynnti það og annar diskur með sömu mynd var sendur mér um leið í póstinum.

Fyrir þá sem vilja kynna sér nánar hvað þetta er drullusniðugt þá er síðan hér.

2006-04-17T07:09:00.000-09:00

Í kommenti hér að neðan benti móðir mín á mikilvægi þess að spyrja til vegar og minntist á fólk sem hefði hugsanarháttinn I´d rather cruise all day than ask for help. Ég vil taka það sterkt fram að ég bið alltaf um leiðbeiningar þegar ég er í vanda og ef ég gerði það ekki væri ég annað hvort a) búin að villast langt, langt í burtu og væri villuráfandi um norður karólínu núna eða b) ennþá að leita að bílnum mínum í Providince. Stundum er bara ekki rétt fólk á ferðinni sem maður getur spurt.

Í öðrum fréttum,
ég átti æðislega páska,
fórum til tengdó í gær morgun í morgdegismat, sem er íslensk þýðing á orðinu brunch sem gefur auga leið að er breakfast plús lunch (æi hvar er aftur plús takkinn á ísl. lyklaborðinu? ah þarna er samasem =) ógisslega góð eggs benedict og ávaxtasalat og alls konar gotterí. Eftir það fórum við til hinnar fjölskyldunnar okkar hérna sem eru þau Marlísa, Ari Páll og börn, sem voru einmitt með íslendinga frá Húsavík í heimsókn auk þess að hafa í mat stórfjölskyldu Marlísu.

Það var alveg hörkustemming, bæði boðið upp á íslenskt hangikjöt með öllu og svo ameríska skinku. Ameríkanarnir kynntu sér íslenska matinn og íslendingarnir ameríska og allt lék í lyndi. Veðrið var svo gott að fólk skellti sér bæði í blak, sippukeppni og meira að segja braust út hörku snú snú í lok dagsins.

En maður verður nú að viðurkenna að maður er þraul-ósáttur við þennan ameríska ósið að taka sér ekki almennilegt frí í tilefni hátíðarinnar, í dag er maður bara mættur í skólann, og er kominn á fullu í tíma og ritgerðarskrif aftur. Það var gefið eins dags frí í skólanum mínum í tilefni páskanna.

Eina fólkið sem heldur upp á páskana með stæl er greinilega fólkið sem á Thai Pepper en hann var mér og mínum manni til mikilla leiðinda lokaður á laugardagskvöldið. Ég var búin að hlakka svo mikið til að fá Thai mat að ég næstum því fór og grýtti fúleggi í gluggann hjá þeim til að hefna mín á þessum helvítis ótuktarskap.

Jæja,
fretrassaljótfeita bíður (það er það sem ég kalla ritgerðina sem ég er að gera í daglegu tali).

2006-04-15T05:19:00.000-09:00

Ég vil vekja athygli á því að einn af mínum eftirlætisþáttum þetta skólaárið hefur göngu sína á skjá einum í kvöld klukkan hálfátta.
Það mun vera hinn umdeildi ameríski Office.

Já,
við vitum öll að breska útgáfan er frábær og góð og jafnvel betri en ameríska. En fyrir unnendur góðs sjónvarpsefnis mæli ég með því að taka niður fordómagleraugun og njóta góðs húmors án þess að vera alltaf með fisjað upp á nefið að bera hluti saman.

Annars er komið að nýjum lið á blogginu...........
spurningakeppni:

Úr hvaða teiknimyndarseríu er þessi setning:

"Góða nótt, góðir hálsar, hvar svo sem þið eruð."

Ég kem með hint ef enginn getur þetta.

Ójá,
verðlaun.

Í verðlaun er póstkort frá mér með mynd af listaverki sem ég sá um daginn á RISD safninu í Providince.
Þess má geta að ég þurfti að fara á þetta safn til að velja mér verk til að skrifa um fyrir listasögu og mér gekk eftirfarandi að komast þangað.

Ég leitaði að leiðbeiningum á netinu til að finna bílastæðaskúr til að leggja í. Týndist út um alla borg og fann hvergi bílastæðaskúrinn, götur voru ýmist lokaðar vegna viðgerða eða voru bara ekki þar sem þær áttu að vera. Endaði á að finna allt annan bílastæðaskúr og lagði þar. Lengst í burtu frá safninu. Spurði um leiðbeiningar til að finna safnið, lagði af stað fótgangandi og týndist. Fékk tár í augun, reif leiðbeiningarnar í tætlur, ráfaði um án þess að vita hvert ég væri að fara tautandi "ég hata þessa helvítis borg, helvítis kennarinn, helvítis allt, djöfull!". Endaði einhvern veginn á því að finna safnið.

Skoðaði safnið, valdi verk til að skrifa um, lagði af stað í áttina að bílastæðahúsinu. Fann hvergi bílinn, labbaði út um allt bílastæðahús, (svona tíu sinnum stærra heldur en í Kringlunni) var alveg við það að gefa upp von þegar ég hitit á einhvern sem vann þarna og benti mér á að bíllinn minn var í hinni byggingunni.

Fann loksins bílinn eftir að hafa labbað 10-15 km á einum degi, bjó mig undir að keyra beint heim, tók vitlausa beygju og endaði á því að rúnta um providince án þess að hafa hugmynd um hvert ég væri að fara. Hugsaði "ég sakna Íslands". Endaði á því að finna elskulegt skilti sem benti mér hvar 95 south væri. Þegar ég komst upp á highwayinn sem lá heim á leið hugsaði ég "það mun líða smá tími þangað til ég kem hingað ein keyrandi aftur."

Jæja,
tími kominn til að fara upp í skóla og klambra saman tveim ritgerðum.

2006-04-14T07:28:00.000-09:00

Hahahahahahaha!!!!!!!!!!!!
frábært!

2006-04-12T14:53:00.000-09:00

Jæja hvað finnst þér
Begga var að gera svona ansi sneddí dæmi og ég varð bara að herma
allir að klikka hér og velja fimm sem þeim finnst passa við mig.
Þið megið meira að segja gera undir dulnefni.

2006-04-12T02:29:00.000-09:00

Ég sofnaði í gær þegar ég var að lesa fyrir Daníel í mínu eigin rúmi og hálfvaknaði þegar Neil kom til að fara að sofa og var svona milli svefns og vöku.
Hann sagði að ég hefði sagt:
"Hvernig vaff ert þú?"
"Hvernig vaff viltu að ég sé?"
"Vaff með hólfum."

Undarlegt samtal.

2006-04-10T03:55:00.000-09:00

Þið verðið öll að sjá syrpuna sem var í kastljós seinasta föstudag,
af gömlum söngvakeppni framhaldsskólanna keppnum.
Djöfull var þetta ógó fyndið,
ég var með kjánahroll næstum allan tímann.

Annars er ekkert nýtt í fréttum,
horfði á eina góða mynd um helgina
the constant gardener.

Er á fullu að basla saman ritgerðum og læra.
Í stuði með guði.

Það eru komin ný vídjó á DB síðu.

2006-04-08T04:09:00.000-09:00

Ég dýrka þegar maður finnur óvart eitthvað skemmtilegt úr fortíðinni.
Ég var að hjálpa Marlísu vinkonu minni að taka til í kjallaranum hjá sér um daginn þegar ég rakst á þessa tösku. Ég fékk þessa tösku í annað hvort 11 eða 12 ára afmælisgjöf frá nokkrum (eða öllum) strákum í bekknum. Ég notaði hana mikið, tók hana með í skíðaferðalög, Vindáshlíð, sumarbústaðaferðir, og í heimsókn til Marlísu í (annað hvort þegar hún bjó hér í Ameríku eða þegar hún bjó á Húsavík) þar sem ég hef gleymt henni. Og ekki séð hana í mörg, mörg ár. Það var ótrúlega fyndið að finna hana þarna í kjallaranum um daginn, sjá nafnið mitt næstum búið að þurkast út, eftir að hafa verið skrifað með svörtum tússpenna, og rifja upp minningar.

Það hefur annað svona skrýtið gerst með mig og Marlísu.
Þegar ég var sautján ára gaf mamma mér svona plein hvítan anorakk, eða jakka, (ég skil aldrei alveg muninn á þessu tvennu), með hettu og rennilás, sem hentaði svo ansi vel við hin ýmsu tækifæri og var þar að auki þægilegur. En það sem var skrýtið við þennan jakka var að hann var með stórum vasa aftan á.
Allaveganna, ég týndi honum þegar Daníel var nýfæddur og fann hann aldrei aftur en leitaði mikið. Tveimur og hálfu ári seinna var ég búin að sætta mig við að hann væri týndur og var flutt hingað til Ameríku þegar Marlísa kemur í heimsókn til mín eitt kvöldið í jakkanum! Hún sagðist hafa fundið hann í búð sem systir hennar átti (og ég vann einu sinni í) en engan fundið eigandann svo hún hafi byrjað að nota hann.
Ég hef þá komið í búðina þegar ég var hérna í heimsókn þegar Daníel var pínku lítill, skilið hann eftir í búðinni og þess vegna aldrei fundið hann þegar ég leitaði heima hjá mér. Ótrúlegt.

Kannski sé ég eitthvert ykkar einhvern tímann í svarta bikiníinu mínu með bleiku blómunum sem ég fann aldrei sama hvernig ég leitaði.

2006-04-05T17:33:00.000-09:00

Er lost ekki að djóka??!!!
venjulega er ég skilin eftir í svo mikilli spennu í lok hvers þáttar að ég er alveg að fara yfir um en í kvöld var spennan meira svona spúkí........hvað er í gangi ó mæ gad ég trúi þessu ekki,
vott?!!!

Oh,
ég vildi að ég gæti fengið næstu þrjá þætti akkúrat núna.
Spennandi andskoti.

2006-04-05T03:11:00.000-09:00

Sjónvarpsgagnrýni Dísu

* Í einum af fyrstu þáttunum af Desperate Housewives sagði Martha Hoover við Susan Myers að hún væri að passa krakkann hennar Edie Britt það kvöld vegna þess að Edie var að fá gest. Þessi krakki er núna horfinn og enginn hefur minnst á hann fyrr né síðar.

* Í Friends spurði Gunther eitt sinn Rachel hvenær hún ætti afmæli og hún maí eitthvað. Mögum þáttum seinna var hún að daðra við lögregluþjón og sagðist þá vera vatnsberi.

* Pheobe úr Friends var grænmetisæta sem borðaði ekki kjöt og vildi alls ekki ganga í fötum búnum til úr dauðum dýrum eins og sást greinilega þegar mamma hennar gaf heni loðkápu. En þegar Monica og Rachel héldu barnasturtu (babyshower) fyrir hana þá ákváðu þær að gefa henni leðurbuxurnar sem henni hafði svo lengi langað í.

* Eitt sinn dró Ross (úr Friends) fram hljómborðið sitt og fór að spila fyrir vini sína tónlist sem hann hafði samið á sínum háskólaárum. Þeim fannst öllum tónlistin ömurleg, Chandler sem og öðrum vinum. Seinna þegar horft er til fortíðar í einum þætti sést hvar Chandler og Ross eru í háskóla, og eru að rabba saman um hljómsveitina sem þeir eru saman í......

Kann einhver einhver fleiri svona dæmi?

og já ég veit að ég er sorgleg og þarf að get a læf

2006-04-03T04:10:00.000-09:00

Ingibjörg, er þetta tvífari bróður míns?

Það var bara nokkuð ágætt á barþjónanámskeiðinu, jafnvel þó að ég þyrfti að eyða helginni minni frá eitt til átta báða dagana í kennslustofu........en hei, sumt lætur maður sig hafa.

Við lærðum hvernig á að hella einni únsu án þess að mæla eina únsú í mæliskeið, lærðum um helstu áhöld sem barþjónar nota, lærðum hvernig á að blanda hina ýmsu drykki og æfðum okkur, og svo var alkahól seiftí heill kafli sér út af fyrir sig.

Núna verða nefnilega allir sem vilja fá að afgreiða áfengi í ród æland að hafa farið í gegnum tips prógrammið sem er alkahól seiftí. Það er ekki til að koma í veg fyrir að fólk keyri undir áhrifum heldur til að koma í veg fyrir að fólk verði of drukkið. Svo það er bara svona beisik hvað maður þarf að hafa augun opin fyrir og hvernig er á kurteisan hátt hægt að segja viðkomandi að hann fái ekki meira að drekka.

Fíneríis námskeið.

Önnur umferð af nágrönnum á neðri hæðinni er að flytja út. Eigandinn (sem þykist ekki vera eigandi heldur vinna fyrir eigendurnar, það er önnur saga, sem ég verð að muna eftir að segja við tækifæri) kom í gær og sagði Neil að hann hefði látið loka fyrir rafmagn á neðri hæðinni til að losna við fólkið sem borgaði víst ekki leigu.

Fegin er ég! Þau voru alltaf með sjónvarpið svo hátt stillt hjá sér og voru greinilega með eitthvað sörránd sánd, svo að mín íbúð nötraði þegar þau voru að horfa á eitthvað. Við heyrðum að umferð þrjú af nágrönnum sé fólk með börn. Vonandi er það eðlileg fjölskylda en ekki einhver eins og við köllum á ísl-ensku hvítt drasl.

Samt get ég ekki að því gert að ég vorkenni þeim eitthvað smá. Nágrönnunum sem voru að flytja út. Ég veit ekki alveg af hverju.

2006-04-01T02:36:00.000-10:00

Dí mar,
það var aprílgabb um að barnaland væri að fara að loka og ég panikkaði,
en mitt í öllu panikkinu fann ég til léttis....

furðulegt.

Ég held að barnalands dagar minnar fjölskyldu séu að verða búnir, sérstaklega ef einhver getur bent mér á síðu þar sem ég get sýnt vídjó.

Talandi um vídjó það eru nokkur mjög sæt á Daníels síðu núna.

2006-03-31T03:00:00.000-10:00

Voruði búin að sjá Elvis?

Ég er búin að vera hálfslöpp og í gærdag náði slappleikinn hámarki svo ég ákvað að taka mér dag í að reyna að ná mér, hvíla mig eins mikið og ég gat og byggja upp ónæmiskerfið.
Ég kláraði að lesa "In Cold Blood."
Dáðist að því hvað hún var vel skrifuð,
horfði aðeins meira á það hvernig myndin Capote var gerð og hér eru nokkrar áhugaverðar staðreyndir.

* Gaurinn sem lék bróðurinn á Judging Amy skrifaði handritið
* húsið þar sem morðin áttu sér stað og er eingungis notað í einu-tveim atriðum, var erfitt að finna, mndin er tekin í Winnipeg sem líkist Kansas að mörgu leyti en ekkert gott hús fannst sem passaði nógu vel sem aðal húsið fyrr en aðstandendur myndarinnar fundu hús sem hafði verið yfirgefið í 50-60 ár og það kostaði fór 1/3 af heildarkostnaðinum við alla myndina í að gera upp þetta hús. Sem sést í einu, tveim atriðum.
* maðurinn sem lék Perry Smith brotnaði oft saman á meðan hann lék í myndinni.
* hver einasti aukaleikari sem sést í myndinni er valinn af leikstjóranum sjálfum.

Allaveganna,
nú er kominn tími til að hætta að gleyma sér yfir bók og kvikmynd og fara að einbeita sér að því að klára þrjár ritgerðir og fara á barþjónanámskeið um helgina, og ná tökum á skólamálum og LÍN og öllu því stússi.

En ég mæli með 'In coold blood', ekkert smá vel skrifuð bók.

2006-03-29T09:50:00.000-10:00

Voðalega finn ég alltaf mikinn mun á mér orkulega þegar veðrið verður betra.
Nú er formlega að koma vor hér, ekki platvor, svona þegar hitinn verður hár og allt byrjar að blómstra og grænka og svo allt í einu "nei bara djók, nú kemur vonda veðrið aftur, ekki treysta neinu, og lifið í óvissunni" eins og á mínu ástkæra föður og móður-vina og fjölskyldu landi.

Nei,
nú er komið svona,
hei, þegar veturinn er búinn kemur vor og við erum ekki að djóka, og bráðum kemur sumar og þú getur treyst því að þegar þú pakkar niður dúnúlpunni þarftu ekki að taka hana upp aftur fyrr en í október......
vor.

Sumum finnst ég kannski vera föðurlands-svikari að tala svona um veðrið á landinu sem ég elska eins og fjölskyldumeðlim, en Dr.Gunni gerði það í DV og núna geri ég það líka: íslenskt veður er nó fön beibís, nó fön.

En vatnið er gott, fólkið eins og best verður á kostið, náttúran falleg, ódýrt að htia húsin sín, gaman á djamminu og fullt af öðrum kostum.

En það er fyndið hvað veðrið hefur áhrif á skap í svona lofthaus eins og mér.
Um leið og sólin fer að skína fyllist ég af krafti og finn að núna er kominn tími til að ná af sér aukakílóunum, taka skólann af krafti, finna góða sumarvinnu, gera jafnvel garðinn sætan og ég veit ekki hvað og hvað. Allt af því að sólin skín.
Og þegar dagarnir eru gráir (sem þeir eru oft, oft oft hér, sérstaklega á veturna) þá er maður eitthvað....."jæja best að fara heim og baka smákökur og liggja undir sæng um miðjan dag og horfa á grey´s anatomy þátt sem ég tók upp í gær."

Vá mar,
ef ég byggi í Kaliforníu eða á Havæ þá væri ég kannski bara alltaf í stuði og full af orku.

p.s. Myndin hér að ofan er af tilefni þess að ég fékk A plús (æi hvar er plús táknið) á miðannarprófinu í listasögu um daginn.
Hún heitir Garden of Eerthly Delights og er eftir Hieronymous Bosch, frá 1599, ef ég man rétt.

2006-03-28T02:17:00.000-10:00

Ég er að lesa bók fyrir skólann sem er full af litlum reynslusögum blaðamanna. Ein blaðakona vitnar í sjálfa sig úr grein sem hún skrifaði um aftökuna á Ted Bundy í Flórdía:

"One young mother had taken her 6-year-old twin daughters out of schoola nd, along with an infant, driven up from ORlando for what she called an educational "field trip." In the pre-dawn darkness, there were her adorable twins, dressed in matching lavender jackets, chanting "Fry Bundy, fry Bundy," before the television cameras."

Datt í hug að deila með ykkur.

2006-03-27T18:07:00.000-10:00

Pirrandi þegar maður er að horfa á viðtal sem maður heldur að verði áhugavert en viðtalið eyðist allt í að viðmælandinn þarf að útskýra muninn á a og b fyrir spyrlinum sem hafði ekki fyrir því að kynna sér.......

æi skiptir ekki máli

ég held ég fari að sofa núna,
ég er með laukbragð í munninum
illt í hálsinum

og gleymdi að skila inn skattskrýslu til Íslands.

Fret, hræk, hóst

2006-03-26T14:34:00.000-10:00

Ég horfði á Capote í gærkvöldi.
Pirraðist yfir hvað nýju nágrannarnir á neðri hæðinni hafa sjónvarpið hjá sér hátt stillt. Ákvað að byrja að hafa augun opin fyrir annarri og betri íbúð til að leigja.

Í dag komst ég að því að tengda-afi minn sem ég náði aldrei að hitta af því að hann dó áður en að ég kom í fjölskylduna var viðstaddur henginguna sem sýnd var í myndinni.

Svo að afi mannsins míns hefur hitt Truman Capote sem hefur hitt Marilyn Monroe.
Ég á vinkonu sem heitir Sigga, ég hef tekið í höndina á henni, hún tók einhvern tímann í höndina á afa sínum, sem tók í höndina á Adolf Hitler þegar hann tók þátt í Ólympíuleikunum í Þýskalandi 1936.

Já það er margt skrýtið sem maður hugsar um stundum.

Í dag fór ég og þreif hús tengda-afa míns og ömmu- og hugsaði á meðan um leigumarkaðinn, fasteignamarkaðinn, framtíðina mína, atvinnuhorfur og skólamál.
Að því loknu fór ég og fjárfesti í bók sem ber nafnið "In Cold Blood" höfundur: Truman Capote. Sá að hún var númmer eitt yfir mest seldu kiljurnar, djöfull er ég meinstrím.

2006-03-25T06:22:00.000-10:00

Æ æ æ.........

eftir að ég flutti frá Íslandi hef ég tekið eftir ákveðnum hlutum þegar ég kem heim til landsins í heimsókn, eða þegar ég fylgist með íslenskum fjölmiðlum (og bloggsíðum) úr fjarlægð.
Það sem ég hef tekið eftir er að Íslendingar virðast voða margir vera í útúrtjúttuðu lífsgæðakapphlaupi, rosalega margir eru á flottum bílum, búa í geggjuðum íbúðum og spá mikið í að klæða sig í föt frá fínum hönnuðum.
Það er eins og allir eigi alltaf pening til að fara á djammið um hverja helgi og kaffihús og kaupa ipoda, ný föt, laptoppa og ég veit ekki hvað og hvað.
Og það er eins og það sé svo ótrúlega mikil atvinna í boði miðað við fólk að fólk fæst bara ekki til að vinna ákveðin störf.

Ég held ég sé ekki alveg að koma orðum að því sem ég er að segja nógu vel en þegar maður fer í burtu í smá stund, og kemur svo til baka í heimsókn þá hefur maður stundum hugsað "vá hvað er í gangi, þetta getur varla endað vel....."

Og núna lítur út fyrir að spár mínar séu að fara að rætast.
Þetta á ekki eftir að enda vel.

Að lokum verð ég að benda á þetta ef einhver skyldi hafa misst af að sjá þetta í kommentakerfinu.
Fliss fliss.

2006-03-24T04:10:00.000-10:00

Það er svo sniðugt með myndavélina okkar, við getum snúið við litla kassanum þar sem maður sér hvernig myndin er sem maður er að taka. Það er alveg þrælsniðugt þegar kemur að því að taka myndir af Daníel. Hann nefnilega vill aldrei horfa í myndavélina, en þegar ég sneri við litla skjánum í fyrrakvöld og hann sá sjálfan sig, þá var hann sko heldur betur til í að bregða á leik fyrir myndavélina.

Fyndið, hann hefur svo gaman af að sjá sjálfan sig í spegli eða á mynd, eru öll börn svona hrifin af sjálfum sér? En hann er búinn að safna hári síðan síðast pabbi.

2006-03-23T15:37:00.000-10:00

Æi,
ég kann ekki að setja þessar myndir inn svo að þær komi ekki allar í belg og biðu, en mig langaði að skrifa aðeins um krullur og sléttleika hárs.

Þegar Daníel var lítill var hann með krullur og þarna sést mynd sem tekin er í tveggja ára afmælinu hans í maí, 2004. Þegar við fluttum hingað út var mjög heitt hérna og mikill raki og þarna sést mynd af honum í ágúst 2004, þar hefur ameríski hitinn og rakinn náð að slétt alveg hár barnsins míns. Svo sést mynd af því hvernig hárið á honum er í dag (þegar það er nýklippt.

Að lokum skellti ég til gamans mynd af gæsahatt sem hanng gerði fyrir thanksgiving, en fynd-leiki hattsins næst ekki alveg að sjást nema í vídjó af því að vængirnir sem standa út úr hattinum blaka á mjög fyndinn hátt þegar hann hreyfir hausinn.

2006-03-23T08:03:00.000-10:00

Kvot dagsins:

"Ég get ekki setið við hliðina á þér af því að þú lyktar eins og lík langafa míns sem lést 1956. Og þú klæðir þig eins og blindur albínóa-tréhestur með downs."

Katrin Thorsteinsson, haskolanemi

a mida,
ekki til min, segi ekki til hvers

2006-03-23T07:55:00.000-10:00

Stofuheitar Frettir

Jeg er ad blogga i skolanum svo thid verdid ad fyrirgefa mer ad islensku stafina vanti, alveg eins og jeg verd ad fyrirgefa stelpunni sem er med mer i tima fyrir ad vera alltaf i mjadmabuxum og stuttum bol tho ad magaspikid rulli ut um gatid.

En allaveganna,
i gaerkvoldi sat jeg pirrud a sofanum minum yfir thvi hvernig Lost enndadi vegna thess ad lost endar yfirleitt thannig ad madur er skilinn eftir i svo bullandi spennu ad madur er alveg ad frika ut.
Nema hvad,
tha se jeg ad thad er nyr logguthattur ad byrja i sjonvarpinu.
I honum er Rob Estes, sem var Jake i Melrose Place i gamla daga, Jake var smidur sem atti i astarsambandi vid Amondu, Joe (stelpa), Jane, Sidney og i pinku tima Kelly ur Beverly Hills..........allaveganna
og einhver annnar gaur er i honum lika.

En vitidi bara hvad?!
Anita Briem er i honum!
(Fyrir ykkur sem hafid haft hofudid grafid i sandinn seinustu aratuga er thad islensk stelpa sem laerdi leiklist i UK)
Hun leikur svona.........teakni, kryfjara, forensic science lab, eitthvad blabla, gellu i hvitum slopp og svoleids.

Jaeja,
verdi ykkur ad godu fyrir stofu heitufrettirnar.

P.s. Jeg fekk A- fyrir ritgerd i Journalism 115, snaps
jeg fekk einnig helvitis 55 af 100 (sem thydir F) i international relations, skamm.

2006-03-22T07:53:00.000-10:00

The moment of truth

Eftir samræður við Jóhönnu Ýr í morgun hef ég verið í samræðum við sjálfa mig og nabblaskoðun. Nú bið ég mína kæru lesendur um hreinskilin svör við þessari spurningu:

Er ég oft svo hreinskilin að maður gæti jafnvel misskilið það og móðgast,
eða er ég jafnvel mógðandi stundum?

Ekki vera feimin kæru börn,
ég lofa að taka ekkert að þessu stinnt upp
(eða segir maður taka óstinnt upp? og hvað þýðir sá málsháttur eiginlega.......dísus)

2006-03-22T03:45:00.000-10:00

Orð og setningar í ó-uppáhaldi hjá mér
Ég þarf að taka mig á í skólanum.
Ég þarf að koma mér í form.
Ritgerð.
Próf.
Skattskýrsla.
LÍN pappírar.
Peningamál.
Stífla í niðurfalli.
Djöfull er kalt.

Orð og setningar í uppáhaldi
Vor.
Sumar.
Frí.
Pils.
Sandalar.
Strönd.
Kirsuber.
Grilla.
Maísstönglar.
Djöfull er ég ánægð með að hafa náð prófunu, skilað skattskrýslunni, fengið námslánin og komið sjálfri mér í gott form fyrir sumarið (ég í framtíðinni, vonandi.)

2006-03-20T03:19:00.000-10:00

Oh....
stundum vildi ég að ég ætti fleiri vini hérna í Westerly.
Til að fara með á kaffihús eða eitthvað.

2006-03-18T11:45:00.000-10:00

Getur einhver sagt mér hvort að Gilzinegger sé alvara eða sé svona grín persóna eins og Sylvía Nótt? Ég er búin að brjóta heilann mikið um þetta og er bara ekki alveg að átta mig á þessu.

2006-03-17T02:14:00.000-10:00

*********************************
takk Bryndís fyrir að hafa fundið stjörnuna fyrir mig, núna týni ég henni aldrei aftur ********************** geggjað
mamma fer í dag og hvers dagslega lífið tekur við,
ég get ímyndað mér að það taki við smá tómleikatilfinning hjá mér, eins og ég fæ oft þegar ég kem heim frá Íslandi.

En sem betur fer eru midterms búin,
en það þýðir ekki að það verði ekki nóg að gera í skólanum þangað til að hann verður búinn um miðjan maí. Svo er bara málið að fara að huga að sumarvinnu og í byrjun apríl verður farið á barþjónanámskeið, jamm og já.

Um daginn vorum við að keyra og Daníel og ammma hans kölluðu úr aftursætinu: "Is it called the statue of liberty or the statue of liverbee?" Annað þeirra var eitthvað aðeins búið að misskilja nafnið á þeirri styttu.

2006-03-15T05:04:00.000-10:00

*Jæja mamma er í heimsókn svo að metnaðurinn til að blogga hefur verið hverfandi á síðustu dögum, en mun þó eflaust koma aftur brátt.

Ég leitaði vel og lengi að stjörnumerkinu þarna að ofan á lyklaborðinu mínu og fann það loksins eftir mikla leit. Núna er ég búin að týna því aftur. Getur einhver sagt mér í eitt skipti fyrir öll hvar þetta merki er á íslensku lyklaborði?!!!

Ég tók bílpróf í gær og það gerðist mikill skandall. Ég náði prófinu en þau tóku ekki nýja mynd af mér heldur verður notuð myndin sem var tekin í bráðabirgðaleyfið mitt í ökuskírteinið. Sú mynd var tekin mér algjörlega að óvörum þar sem ég var í rólegheitum að taka skriflega prófið um daginn. Ég er ómáluð á henni, ofurglansandi í framan, með undirhöku og hálflokuð augu. Einnig var mér lofað þegar sú mynd var tekin að það yrði ekki myndin sem yrði í varanlega skírteininu mínu.
Það loforð var svikið og nú er Department of Motor Vehicles á dauðalistanum mínum.

2006-03-12T14:07:00.000-10:00

Jæja ég fór inn í eina af mínum uppáhalds verslunum um daginn til þess að kaupa eitthvað smotterí, já körfu inn á baðherbergi,
nema hvað,
ég rakst á þessa fínu púða sem mér fannst að gætu nú heldur betur lífgað upp á mína hvítu stofu, svo að ég keypti sett, en svo sá ég aðra útgáfu og núna get ég ekki ákveðið mig.
Sko,
ég ætla pottþétt að hafa tvo bara einlita, bláa,
en svo er spurningin,
með þennan munstraða....
ég ætla semsagt að hafa tvo einlita blá og einn munstraðan,
nú veit ég ekki hvort mér líst betur á a eða b.
Blóma eða mynda.
Allir að koma með álit takk.
Sá sem fær minnihluta atkvæða fer aftur í búðina og ég fæ rífönd á kretidkardið mitt.

Þökk!

2006-03-12T05:33:00.000-10:00

Við Neil vorum búin að ákveða að nota þennan sunnudagsmorgun í að taka til og þrífa hér í íbúðinni. Ég er tæknilega séð ennþá að borða morgunmat en hann er byrjaður á baðherberginu. Ef ég borða þennan lokamorgunmat minn rosalega hætt er ég löglega afsökuð í a.m.k. tíu mínútur í viðbót.

Gott plan.

2006-03-11T09:30:00.000-10:00

- Ég horfði á walk the line í gærkvöldi og mæli með henni.

- Í seinustu viku var sjö til tíu stiga frost og rok hérna og allt á kafi í snjó. Í dag er sextán stiga hiti og sólskin. Snjórinn er farinn.

- Mig hefur dreymt í nokkrar nætur í röð að ég sé að berjast í stríðinu í Írak.

- Ég er að horfa á svo ógisslega fyndið myndband með Björk, það er tekið upp á sirkus og....æi þið getið bara séð það hérna held ég:
http://video.google.com/videoplay?docid=-219216828188479497&q=triumph+of+the+heart+bjork

ef þið getið ekki séð það ekki fara í mál við mig, mmmmmkei?

2006-03-10T09:06:00.000-10:00

hlussuvínber

2006-03-10T06:23:00.000-10:00

Uppskrift dagsins:
Einn desilítri haframjöl, einn og hálfur vatn, smá salt, inn í örbylgjuofn í tvær mínútur. Hlynsíróp (maple syrup) ofan á og mólk.
Morgunmatur!

Pabbi var að skrifa um einhverja kvöldblöndu sem hann býr sér til og samanstendur af Ab mjólk og pepsi max sem hann hrærir saman með gaffli. Hann hlýtur að vera að spauga, non?

2006-03-09T11:54:00.000-10:00

- Eftir fjóra klukkutíma verð ég búin í midterms og tíu daga langt spring break hefst, skál fyrir því!

- Hafdís Huld er að fara að gefa út sólóplötu og mig grunar að hún gæti orðið skemmtileg.

- Jón Gnarr er orðinn mitt andlega gúrú eftir að hann tók upp trúnna.

- Ég komst að því að planta heima hjá mér var með einhvers konar lús um daginn svo ég eitraði fyrir lúsinni. Hafði unun af því að murka lífið úr þessum helvítum með eiturspreyinu mínu.

- Það verður barþjónanámskeið hér í skólanum mínum fyrstu helgina í apríl, getur verið að örlögin séu að reyna að segja mér eitthvað?

- Bráðum kemur vor og á eftir því kemur sumar. Ég get ekki beðið.

2006-03-08T12:39:00.000-10:00

Ég er engan veginn að fatta íslenska menntaskólanema

Ef það hefði verið ákveðið að stytta námstíma til stúdentsprófs þegar ég var í menntó hefði ég stigið villtan gleðidans en ekki mótmælt.

En það er bara ég.......

2006-03-08T03:35:00.000-10:00

Mig dreymdi furðulegan draum í nótt.
Mig dreymdi að ég ætti bráðum afmæli og segði við pabba minn að mér þætti gaman að fá heila skrúðgöngu af stórum Svamps Sveinssonar (spungebog squrepants) blöðrum í afmælisgjöf. Svo áttaði ég mig á því hvað það myndi kosta og að ég gæti nú fengið margt eigulegra fyrir þann pening svo ég skipti um skoðun og bað hann í lengstu lög að gefa mér eitthvað annað og alls ekki skrúðgöngu af risastórum svamps sveinssonar blöðrum.

En svo kom að afmælisdeginum og mér til mikillar mæðu fékk ég skrúðgönguna í afmælisgjöf frá pabba. Ég man eftir að hafa sagt við pabba: "Hvað kostaði þetta mikinn pening?!" Og hann svaraði: "Ég fékk hjálp frá Sigga Hlö sem er með sjónvarpþáttinn með hausverk um helgar og þetta kostaði ekkert miðað við hvað hver þáttur kostar hjá þeim, tíu milljónir!"

Ég varð svo brjálæðislega fúl að ég flutti til Feneyja. Þar hitti ég Önnu Björk og Rakel og við fórum að skoða skó. Við fundum stígvél sem voru nákvæmlega eins og mín rauðu og þær ákváðu báðar að fá sér svoleiðs. Ég var ekki sátt við það heldur. Þegar þetta var að gerast fór ég að heyra barnsgrát og uml sem hætti ekki þó að ég bylti mér, endaði á því að ranka við og sjá þar Daníel Bjarna sem lá við hliðina á mér kjökrandi af því að hann hafði haft martröð. Hann dreymdi að hann hefði verið að berjast við ill vélmenni og ekki náð að gera neitt rétt. Við ræddum drauma okkar í smá stund og svo ákvað ég að sofa meira og hann að fara á fætur (klukkan var sex!)

En í dag leit ég á bloggsíðu pabba og sá mynd úr afmæli Hönnu Rakelar systur sem varð átta ára í dag, ég hrökk pínku í kút þegar ég sá að allir diskar, servíettur, glös og (að mér sýndist kaka) voru í sama þema: Svampur Sveinsson!

2006-03-06T13:11:00.000-10:00

Jæja Rúnar frændi fékk ekki Óskarinn í gær en ekki dugir að gráta yfir því. Ég horfði í smá stund en gafst svo upp eftir að einn af þeim sem vann verðlaun fyrir förðun sýndi samstarfsfólki sínu mikinn dónaskap með því að einoka þakkarræðuna og leyfa ekki öðrum að komast að jafnvel þó að samstarfskona hans hefði verið að krafsa í jakkann hans allan tímann sem hann þakkaði fólki.

Þessa daganna eru miðannarpróf (midterms) í University of Rhode Island (URI) og að þeim loknum tekur við vorfrí (spring break). Móðir mín (einnig þekkt sem mamma, og/eða Íris Sig) mun vippa sér yfir atlantshafið og eyða góðum stundum með einkadóttur sinni (DíDí pússískrím, Dísa Bjarna, Hördis Bídjarnadoter) og eina barnabarni (Dadú Padda). Það mun verða gaman að eiga smá frí inn í miðri önn og stefni ég á það að sofa út a.m.k. einu sinni í þessu fríi. Einnig mun ég taka bílpróf í fríinu til að öðlast amerískt ökuskrírteini og þá mun ég einnig fá að borga lægri bílatryggingu.

Mín einka-hálf-systir á afmæli á morgun og munu þá verða liðin átta ár síðan hún fæddist. Þegar mamma kemur mun ég eyða smá tíma í að þjóta hornanna á milli í fylkinu leitandi að hæfilegri afmælisgjöf fyrir átta ára hnátu.

Uppástungur vel þegnar.

2006-03-05T07:07:00.000-10:00

Kaktusar og sílikom (hættuleg blanda)

- Lúðinn hún Jessica Simpsons er búin að dæla sílikoni í varirnar á sér og lítur núna út eins og þroskaheft önd, þess má geta að stalla hennar Britney Spears syngur eins og önd sem er að kúka

- Ég horfði á myndina the Village í gærkvöldi og mæli með henni fyrir þá sem hafa gaman af einhverju öðruvísi og pínku kjánalegu.

- Ég mæli með bresku gamanþáttunum Coupling við alla.

- Við hjónin vorum að leita okkur að plöntu í gærdag þegar einkasonurinn tilkynnti okkur allt í einu að hann langaði í kaktus. Okkur fannst ágætis hugmynd að hann fengi að kaupa sér plöntu og hugsa um hana þar sem gæludýr er ekki fræðilegur möguleiki. Við reyndum um stund að vekja áhuga hans á hinum ýmsu plöntum sem hafa ekki nálar en hann var harðákveðinn að hann langaði í kaktus. Svo við fundum einn með þykkum nálum sem virka minna ógnvekjandi en þunnar litlar nálar. Og nú er þriggja og hálfs árs Daníel Bjarni rosalega heimilislegur með kaktus í herberginu sínu.

2006-03-04T03:54:00.000-10:00

Þessa dagana er mín mikið að spá og ræða hugmynd sem ég fékk fyrir alls ekki svo löngu. Mig langar að fara á barþjónanámskeið.
Málið er að til að fá vinnu á allra bestu stöðunum hér um slóðir þarf maður að hafa fengið svona skírteini eða gráðu í barþjónustu og mig langar til að reyna fyrir mér í þessum bransa.
Bærinn sem ég bý í er sumarleyfisstaður ríka fólksins á sumrin og mér sýnist tilvalið að skella mér í túrista bransann með því að fá vinnu nálægt ströndinin við að blanda drykki í stað þess að vinna í matvörubúð á kassa og að raða í poka og hillur.
Maðurinn minn er þó ekki nógu hrifinn af hugmyndinni og heldur að það verði of mikið reynt við mig, ég muni vera burtu öll kvöld og sofandi alla daga.
Ég hygst þó halda mínu fram og fara í barþjónaskólann bráðum, þó hann sé svoldið dýr.
Hvað finnst ykkur kæru lesendur?

p.s. Ég litaði á mér hárið rautt í gær, set mynd inn af því bráðum.
Koss knús

2006-03-03T03:46:00.000-10:00

Um daginn var febrúarfrí í leikskólanum hans Daníels.
Það var frí í eina viku og Daníel gerði margt sniðugt með pabba sínum sem var einnig í fríi þessa viku, meðal annars fór hann í dýragarð.
Þegar ég fór með hann í leikskólann í gærmorgun sá ég stórt plakat þar sem á var skrifað hvað allir krakkarnir hefðu gert í febrúarfríi.
Einhver fór út að leika, einhver fór til Flórdía, þetta stóð um Daníel.
"Daníel went to see lots of animals at a place that smells like poop."

That´s my boy.

2006-03-02T11:43:00.000-10:00

Ég held ég myndi frekar ganga á logandi kolum
en að hafa myndbandsupptökuvél viðstadda þegar ég fæddi barn.

2006-03-01T02:52:00.000-10:00

Þetta er steikin hún Celine Dion að halda að hún sé kúl að spila á loftgítar.
Mig langaði að setja einhverja gleði mynd hérna inn á bloggið vegna þess að ég er svo ánægð með gríðarlega góðar viðtökur í leiknum mínum, sem er ekki einu sinni með verðlaun!
En þá datt mér í hug að slá tvær flugur í einu höggi og setja gleðimynd af Celine Dion þar sem hún er asnaleg, eins og hún er reyndar alltaf.
Ekki bara syngur hún illa, heldur syngur hún leiðinleg lög og er með ljótustu sviðsframkomu sem ég veit um.

Jább,
semsasgt,
ég er ánægð með alla sem komentuðu,
og þoli ekki Celine.
Eigið góðan dag.

2006-02-27T10:36:00.000-10:00

Leikur fyrir alla
Mig langar að biðja lesendur mína að taka þátt í smá leik með mér.
Mig langar að biðja alla (já alla) sem lesa síðuna að kommenta núna.
Þeir sem vilja mega vera nafnlausir, þá myndi ég helst vilja fá að vita aldur og staðsetningu í stað nafns þegar kommentið er skrifað.
Það sem ég vil fá í komment er þetta:
nafn (eða bara aldur og staðsetning)
ein kvikmynd sem þú heldur upp á
ein bók sem þú heldur upp á.......

Ef margir kommenta mun mitt litla hjarta gleðjast,
ef fáir kommenta mun það drepa blogg-metnaðinn minn.

Kommon fólk,
ég þarf smá búst þessa dagana.

2006-02-27T03:55:00.000-10:00

Ég rakst á auglýsingu á netinu um daginn fyrir megrunarkúr með voðalega kjánalegu nafni. Þessi auglýsing kom út í byrjun eitís, svo að......

klikka hér til að sjá hana

2006-02-26T04:07:00.000-10:00

Úff.......
í gærkvöldi komst ég að því fyrir algjöra slysni að það er djamm-sena hérna í Westerly. Ég kíkti semsagt á báða skemmtistaðina hér í bær og fór á djammið í fyrsta sinn síðan ég var á Íslandi um jólin.

Klárlega er ég alveg úr formi þegar kemur að djammi og kann ekki að drekka eins og alvöru djamm-kanar gera. Til dæmis tók ég fyrir algjöra slysni þrjú af þeim viðbjóðslega ógeðslegustu skotum sem ég hef á ævi minni drukkið.

Piparmyntu..........einhver viðbjóður
einhver viðbjóður með gullflögum í borið fram goldshhhlager
og jagermæster.

Sem betur fer hafði ég vit á að skipta niður í gjingereil á milli þessara viðbjóðslegu skota. Ég lurkaðist ekki heim fyrr en langt undir morgun og kom fötu fyrir við hliðina á rúminu. Svo vaknaði ég í morgun og get núna hvorki setið né staðið vegna þynnku.

En sem betur fer er mér ekki óglatt.
Hjálpi mér allir heilagir.

2006-02-24T11:46:00.000-10:00

Ég auglýsi hér með eftir einhverjum sem getur hjálpað föður mínum að setja upp haloscan kommentakerfi á síðunni sinni. Ég myndi gera það sjálf, nema bara hvað ég kann það ekki, það var góð vinkona mín sem setti Haloscan upp á minni síðu.
Jæja Hrefna.............
geturu hjálpað pabba kallinum?

Í öðrum fréttum:
ég var að kaupa mér giftingarhring úr hvítagulli og er rétt í þessu að átta mig á því að hann er of stór! Helvítis! af hverju trúði ég konunni í búðinni!!!
buhuhuhu
nú þarf ég að keyra lengst í burtu til að láta minnka hann!

2006-02-24T02:42:00.000-10:00

Úff.......
ég þoli ekki þegar ég man ekki eitthvað sem ég er að reyna að muna.
Í gærkvöldi var ég að svæfa son minn og las fyrir hann tvær uppáhalds bækurnar hans þessa dagana.

Eða,
ég skoðaði þær eiginlega með honum.
Því þessar tvær eru myndabækur sem við skoðum og reynum að læra íslensk orð, eða hann reynir að læra íslensk orð og ég reyni að kenna honum.
Þetta eru þarna Richard Scary orðabók barnananna og hin stóra gula bókin sem allir áttu þegar þeir voru litlir sem eru með svona gulri önd sem er alltaf út um allt.
En nema hvað,
þegar lestri var lokið þurfti ég að gera eitthvað þægilegt eins og strjúka honum um bakið og klóra honum á bakinu.
Svo duttum við bæði út af, fyrir klukkan níu, ég í öllum fötunum og undir þrem sængum.

Ég vaknaði klukkan ellefu þegar maðurinn kom heim úr heimsókn sem hann var í.
Ég vissi að ef ég myndi fara fram á bað og bursta í mér tennurnar myndi ég vakna svo vel við piparmyntuna og kalda vatnið að ég myndi vera andvaka til klukkan fjögur.
Svo ég sleppti því að bursta.
EN allaveganna,
þegar ég vaknaði var ég að hugsa um það sem mig dreymdi og ég var að hugsa "þessu verð ég að deila með lesendum bloggsins, ætti ég að skrifa þetta niður? nei ég man þetta pottþétt á morgun."

En viti menn.......
ég man ekkert núna hvernig þessi skemmtilegi draumur var!
Oooooooooooooooooo............

2006-02-23T03:26:00.000-10:00

Ókei,
ég hef komist að niðurstöðu.
Leikfimi í skólum er allt í lagi en það er fáránlegt að prófa í henni.
Og ef það þarf á annað borð að prófa í henni ætti það ekki að vera með því að hoppa yfir kist, kubb, hest, hænu og malbikunarvél.
Það ætti að gera það með einhverjum öðrum hætti.
EN það er náttúrulega fáránlegt að prófa í skólaleikfimi.

En að öðru....

ég fer stundum að hugsa um mína eigin jarðaför.
Eins og ég er kannski að keyra í skólann og uppáhalds lagið mitt kemur í útvarpið, "What a feeling" úr Flashdance. Þá fer ég að hugsa um hvernig þetta hafi verið uppáhalds lagið mitt þegar ég var fjögra ára og fær ennþá hjartað mitt til að taka nokkur auka gleði slög þegar ég heyri það. Bara vegna þess að ég tengi þetta lag alltaf við frábærar minningar.

Nema hvað,
þá fór ég að hugsa að fyrst þetta lag er í mínum huga svona eins og einkennislag fyrir sjálfa mig væri frábært að spila það í jarðarförinni minni. En ekki af geislaspilara heldur live performance. Ég myndi helst vilja láta Selmu Björns syngja það held ég. Ég held ekkert sérstaklega upp á hana en ég held að hún myndi ná þessu lagi alveg pottþétt. Svo var ég að hugsa um að kannski væri betra að sleppa bara jarðarför og hafa bara svona samkomu í félagsheimili kannski. Þar sem fólk stendur upp og les eitthvað fallegt um mig, Tinna og pabbi gætu bæði komið með skemmtilegu sundminningarnar hér að neðan og allir gætu rifjað upp hvað ég var nú yndisleg.
Svo á milli gætu verið söngatriði.

Bara svona pæling.........

2006-02-21T14:32:00.000-10:00

Mig langar að kæra Hauk íþróttakennara.

Ég var að horfa á Neil og
Daníel leika sér áðan í þannig leik að þeir skiptast á að liggja á gólfinu og hoppa yfir hvorn annan.
Þá rifjaðist upp fyrir mér þesgar ég var svona níu til ellefu ára og var í skólaleikfimi í gamla daga. Í eitt skiptið lét íþróttakennarinn nokkra krakka liggja á dýnu á gólfinu og hinir krakkarnir áttu að taka kollhnís yfir hina krakkana.

Ég var aldrei góð í þessum fimleikalistum sem við áttum að framkvæma í þessari asnalegu skólaleikfimi og meiddi mig þegar ég reyndi þetta. Höfuðið bögglaðist undir mig og ég meiddi mig svo mikið í hálsinum að ég þurfti að fara upp á heilsugæslustöð.

Síðan að þetta gerðist hef ég verið með króníska vöðvabólgu og hálseymsli.

Ef einhver lögfræðimenntaður vill hjálpa mér að lögsækja þennan íþróttakennara og fá hann og/eða Mýrarhúsaskóla til að borga fyrir hnykkmeðferð, nudd og sjúkraþjálfun þá endilega hafið samband.

Einnig vil ég nota tækifærið og lýsa andúð minni á skólaleikfimi eins og hún var í þá daga og er vonandi ekki ennþá í dag.
Að taka próf íþróttum með því að ætlast til að hver einn og einasti aðili í þrjátíu manna bekk geti gert einhverjar fáránlegar æfingar á dýnu og hoppað yfir einhverja kistu, hest og kubb er náttúrulega bara eins sú mesta vitleysa sem ég hef heyrt um síðan ég heyrði um fitulausan rjóma. Þetta var næstum því nóg til að vekja hjá mér ævilanga andúð á hvers konar hreyfingu og íþróttum.
Ég vildi næstum að ég hefði fengið ævilanga andúð á hreyfingu og íþróttum á að hafa verið í þessari skólaleikfimi, væri í dag offitusjúklingur og myndi fara í mál við Hauk og Mýró og láta þau borga fitusog!

Skólaleikfimi er fáránleg!

2006-02-21T02:52:00.000-10:00

Ég hef tekið mér bessaleyfi og skapað bloggsíðu fyrir pabba minn.
Ég er komin með smá leið á þessari athyglissýki hans í kommentakerfinu svo ég hef búið til síðuna www.bjarnidagur.blogspot.com og hyggst nú beita pabba þvingunum, annað hvort byrjar hann að blogga í eigin nafni, eða ég byrja að blogga í hans nafni og set svo alls konar linka og svoleiðs svo að allir halda að hann sé að skrifa það sem stendur á síðu í hans nafni, múhahahahahahha.

Pabbi,
ég hef sent þér upplýsingar í ímeili um hvernig þú átt að byrja að blogga.

Ég vil endurheimta síðuna mína aftur.

Viva la revolution!

2006-02-19T12:20:00.000-10:00

Ég hef verið að spá.
Er ekki til einhver stór Evróvisjón dómstóll sem tekur á svona há-alvarlegum málum eins og hafa nú komið upp á Íslandi.

Svo hef ég einnig verið að velta fyrir mér....
af hverju kemur svona undarleg lykt af pissinu manns þegar maður borðar aspas?

2006-02-17T04:25:00.000-10:00

Húðflúr....
Sumum þykja húðflúr sæt, öðrum þykja þau smekkleysa.
Sjálf er ég með eitt lítið tattú neðarlega á bakinu, sem ég fékk mér ásamt Kötu í lok skemmtilegrar Benidorm ferðrar þegar ég var nítján, eða tuttugu.......nei nítján. Mig langar svoldið að breyta því aðeins eða bæta við það, en það er ansi vont að fá sér tattú. Það er nú gert með nál, það má ekki gleyma því....

2006-02-16T16:23:00.000-10:00

Oh,
þegar ég er búin að hlakka til að sjá tvo uppáhalds grínþættina mína fer ógeðslega í taugarnar á mér að þeim sé frestað út af bölvuðu vetrarólympíuleikunum.
Asskotinn mar!

2006-02-15T11:32:00.000-10:00

Þetta er frábært á febrúardegi

2006-02-15T10:15:00.000-10:00

Allir sem vita eitthvað af viti um fjölmiðla í Rúmeníu vinsamlegast hafið samband við mig, þangað til held ég áfram að dæla í mig kaffi og sætindum, vinna þetta verkefni og gæla við hugmyndina um að hætta í skóla.

P.s. ÉG var að heyra að Jenný og Steini úr Bachelor væru hætt saman, jeremías og jemundur, hvað er að gerast?!!

2006-02-15T05:26:00.000-10:00

Ummæli dagsins

"Ég var allavega ekki fyrir neinum vonbrigðum þetta árið. Elskaði sjálfa mig og borðaði konfekt í tilefni dagsins og horfði á hryllingsmynd í gærkvöldi með asmaveikum hundi... naut þess í botn."

Rakel Guðmundsdóttir
móðir, skvísa, bloggari og margt fleira
um Valentínusardaginn